Aage chalte chalte .

Kuch aur pangtiyan jeevan ke naam
kuch aur khawaisho ke jaage armaan 
bus chalta hai safar yuhi rukte badhte 
aaj hum hain yahan... kal ka pata nai
kis ore lejaayegi zindagi ..aage chalte chalte.

Kuch rango ki baaltiyon se saanse adhuri hai
aahatien toh hain magar dharkaein na puri hai 
milte hain ajnabi kai pyar ki talash karte karte
dil mai basega kahin toh koi ... par pata nai
kis ore lejaayegi zindagi ..aage chalte chalte.

Muskurahaton ke piche chupa paani hai
kuch lamho ke begair adhuri kahaani hai
raahein kat toh jaayengi yuhi hee girte padte 
sambhal lenge khud hee ..phir bhi
kis ore lejaayegi zindagi ... aage chalte chalte.


copyright, All Rights Reserved 2013, Richa Gupta